Accuelh > Lo Partit Occitan > Çò que sèm

Lo Partit Occitan, qu’es aquò ?

Lo Partit Occitan espeliguèt a Tolosa en 1987. Foguèt la resulta del recampament de militants politiques isolats; dels candidats que se presentèron a las eleccions regionalas de 1986 (lista "Union Occitana" dins Tarn, lista "Per las regionalas, los Regionalistas" dins Nauta Garona, etc...) ; e de la fusion de mantunes moviments occitanistas (Volem Viure Al País, País Nòstre...).

 Aquela union dels tres elements foguèt possibla sus la basa de la Carta del partit.

• Enançar un moviment politique occitanista credible, independent de tot autre partit et luchant per la reconeissença e l’autonomia d’Occitània.
• Desalienar e conscientisar lo pòble occitan.
• Far emergir la question occitana dins lo domèni politique.

Desempuèi 1987, lo Partit Occitan a pas arrestat de presentar candidats a las eleccions, municipalas, cantonalas, regionalas, legislativas et europèas. Lo Partit Occitan baileja quauquas comunas ruralas de mercés a sos conses e mai a d’elegits dins mantunes municipis.

Le Partit Occitan dispose ainsi de plusieurs conseillers régionaux (élus dans 5 régions), et d'élus dans quelques municipalités.

Le Partit Occitan soutient les parlementaires élus par la fédération Régions et Peuples Solidaires (R&PS).

Lo Partit Occitan es present en Occitània dins las luchas economicas e socialas o d’amainatjament del territòri.

Sos militants intervenon dins la batèsta per l’emplec, contra la toristificacion a l’excès, contra lo nucleari, per la salvagarda del patrimòni natural... 

Sos militants son tanben actius dins las accions d’aparament e de promocion de la lenga et de l’identitat occitanas.

Lo Partit Occitan es afiliat à la federacion "Régions et Peuples Solidaires" que recampa divèrsas organisacions politicas dels pòbles et regions d’Exagonia.

Lo Partit Occitan es atenben sòci d’un recampament d’organisacions nacionalistas e regionalistas de divèrses Estats d’Euròpa.

Se tracha de l’Aligança Liura Europèa. Aqueste partit compta un certan nombre de deputats al Parlament d’Estrasborg.

Lo Partit Occitan possedis un jornal que se ditz "Occitània". Aqueste pareis cada dos meses. L’abonament n’es de 23 € per 6 numeròs (abonament de sosten a partir de 30,5 €) / Fòra C.E. : 30,5 €. Per s’abonar, clicatz aquí.

Los comitats locals o despartimentals son ramosats en federacions regionalas.

Lo Conselh Nacional del Partit amassa los delegats representants dels comitats locals e de las federacions regionalas (es lo parlament del partit).

Lo Bureu Nacional es elegit cada dos ans pel Congrés del partit (es l’executiu del partit).

Lo Congrés es dubèrt a totes los sòcis del partit.

L’adesion es dobèrta a tota persona d’acòrdi amb la Carta del partit. La dobla apartenáncia amb una autra organisacion politica non es acceptada.

Per aderir, clicatz aquí.

© Partit Occitan 2009 | Contacte | Mencions legalas | Mapa del site