Accuelh > Lo Partit Occitan > Nòstra charta

Nòstra charta

Charte





Lo Partit Occitan es dreibit a tots los òmes, a totas las femnas que reconeissen lo fach occitan tant dins sa realitat istorica e sociala coma dins sas manifestacions per se tornar reviscolar e bastir.


Lo Partit Occitan assembla tots ’quilhs e totas ’quelas que volen esser partida prenenta dins los debacts politics d’aura, que volen participar aus engatjaments sociaus e economics, dins totas las expressions de la vita en societat.

 
Lo Partit Occitan conduis son accion per tots los biais democratics de la vita politica, especialament en participar a las consultacions electoralas.


S’engatjar per una societat occitana mestressa d’ela-mesma ‘quò es respectar las reglas democraticas. Lo Partit Occitan a l’intencion de lutar per la reconeissença de la comunautat occitana e per la defensa daus interests de sos membres, per reabilitar la lenga d’Òc, tant en-dedins coma en defòra de l’estat francés ; particularament au nivèu de l’Euròpa. Tau es lo sense de sa volontat d’autonomia.


Un engatjament politic occitan es una dubertura a totas las obligacions d’una societat democratica, mai que mai a la justícia sociala e economica. Pòt pas esser separat de la luta en favor daus mai demunits.

Lo Partit Occitan pensa que un daus pretzfachs mai urgents, tant per la vita de tots los jorns coma per l’avenir de nautres tots, es la construccion de l’Euròpa; d’una Euròpa daus pòples e de las regions.


Lo Partit Occitan trabalha per lo respect daus drechs de l’Òme dins lor dimension individuala e collectiva. Esser solidari dau Tierç-Monde e agir per la patz son doas prioritats.


Lo Partit Occitan pensa que tota societat a la responsabilitat d’una part dau patrimòni naturau de la planeta. Que es responsabla, tant davant las societats que li son vesinas coma davant las generacions a venir. Pòt dispausar d’aqueu patrimòni mas a pas lo drech de ne n’abusar.
PNG - 99.6 ko



Una question mai ? Escrivetz-nos !
Autras lengas disponiblas : English français
© Partit Occitan 2009 | Contacte | Mencions legalas | Mapa del site