L’Aliança Libra Europèa, qu’es amassada dempuèi dos jorns a Brussèlas, a causit com Spitzenkandidat a Oriol Junqueras, lo vice-president del govèrn de Catalonha empresonat. Serà donc el que representarà totes los candidats autonomistas dels partits de l’ALE que presentan de candidats. Segur poirà pas participar fisicament a de debats, mas a cada còp poirem dire qu’un candidat, qu’un responsable politic es empresonat per delicte politic dins un país d’Euròpa. E poirem denonciar lo non-respècte dels drets democratics elementaris.
La causa es estada oficializada aqueste dijòus 7 de març dins una presentacion a la premsa, dins la capitala europèa.

Aqueste matin 8 de març, coma representant del Partit Occitan, soi anat en companhia de Jaume Pol d’Unitat Catalan, rencontrar a Carles Puigdemont, president en exili de la Generalitat de Catalonha.
Avèm passat la mittat d’una ora amb el e parlat de la situacion catalana al moment del procès que se debana a Madrid.

Carles Puigdemont nos a dit sa volontat d’anar duscas al cap del procèssus començat fa ara mai d’una annada.
Nos diguèt tanben l ’importança dels sostens que venon de fòra e que fan que digun pòt pas doblidar çò que se passa actualament en Catalonha e a Madrid.

David Grosclaude, Partit Occitan