17 mars 2009
Las amiras pels meses a venir balhan de pensaments : 100 000 caumaires d’aicí la fin de l’an en Occitània, los servicis publics que tampan, eca… En fàcia, lo plan de relança del govern compta d’una part 26 miliards d’investir dins de projectes fosques (desvolopament de la rota, prest a las bancas) e d’autra part 2,6 miliards per los mai nafrats per la crisi.
Aquel plan convenc digus e lo sentit de cofle ganha la populacion. Çaquelà l’òme providença capable de resolve aquela crisi es pas Nicolas Sarkozy nimai Barack Obama. Lo trespassament de la crisi passa per d’accions internacionalas e localas.
- L’espelida de règlas supranacionalas sul fonccionament del sistème financier pòt demesir las especulacions tròp fòrtas e s’atacar en particulier als edens fiscals. En mai, Euròpa es lo bon escalon per promòure de sectors d’avenidor, ecologicas e a granda valor sociala ajustada. Un plan europenc equilibrat permet de limitar la mesa en concuréncia dels trabalhadors sens geinar lo dsvolopament dels servicis publics de pròche.
- Al nivel local, las regions entusan una economia de pròche que s’apeba sus l’identitat dels territòris tot previlegiant autonomia e circuits corts. Se l’exemple de las Antilhas es largament pres tornar per maites partits d’esquèrra coma modèl de lucha, sola unapartida del conflicte es agachada. De fach, nombroses reindicacions prusisson aqueles partits centralistes. L’espelida d’un moviment popularise faguèt sus la basa de revindicacions globalas d’una populacion solidari que desira balhar un avenidor a son territòri, a sa joinessa, a sa cultura dins un cadre diferénciat.
Lo Partit Occitan sona tota la populacion a davalar dins la carrièra aquel dijòus 19 de març e de plantar lo trabalh atal los sindicats o demandan. Sona tanben a ausir pas las serenas demagogicas e a bastir ensem un cambiament de cap basat sus une Euròpa de las regions e dels pòbles solidaris, ecologistes e autonomes.
Citar aquel article : http://partitoccitan.org/archivas/article275.html