Per l’emplèc e los servicis publics : Volèm viure e decidir al País !
26 janvier 2009La novèla crisi del sistème capitalista nafra dolorasament Occitània per en causa de dos fenòmenes:
- la globalisacion de l’economia e lo primat de la finança entusan las restructuracions-delocalisacions dins lo privat
- la politica neò-liberala del govern junta al centralisme francés tradicional sarrabastan los servicis publics
Lo moviment politic occitan metèt de longa en davans la defensa de l’emplèc per permetre als Occitans de "viure e trabahar al país". Aquela reveindicacion es totjorn populari alprèp dels joves, ensenhaires, personals de la santat, personals del privat, … forçats de montar a Paris. Aquel exòdi economic desertifica los despartaments rurals e servís d’alibí a las tampaduras de pòstas, de garas, d’agencias diversas … Los darrièrs estatjants de nòstres despartaments, los mai ancians, ne’n son las primièras victimas.
Las "refòrmas" de la dreita destrusisson nòstres territòris. La tampadura de las estructuras de pròche (maternitats, espitals, garas, pòstas, …) daissa plaça a una centralisacion dels servicis publics en primièr dins los cap-luòcs puéi cap a la capitala.
Per nosautres, autonomistas, sola l’escala regionala es a ela-meteis de respondre als besonhs locals. Lo nivèl regional - plan segur dotat dels finançaments necessaris - es lo milhor adaptat a l’organizacion dels servicis publics. Es per aquò que demandam una gestion regionala dels servicis publics.
Mas las regions devon intervenir encara mai sul terrenc economic per servar e desenvolopar l’emplèc regional.
Dins un primièr temps, lo Partit Occitan sona los Presidents de las Regions occitanas a coordonar lors politicas dins un Conselh del Desenvolopament Occitan, alternativa a las directivas dels tecnocrates parisencs fòrças aluenhats de las realitats del terrenc.
Centralisme e neò-liberalisme arroinan nòstras regions. Per tornar balhar alen a l’economia occitana : proximitat, solidaritat.
Volem viure, trabalhar e decidir au país !
- Per l’emplèc e los servicis publics : Volèm viure e decidir al País !