D’unes auràn remarcat que la Val d’Aran s’es distingida al moment de las eleccions regionalas en Catalonha per la minoritat del vòte independentista (30% contra 48% dins la rèsta de Catalonha) e la progression dels partits unionistas. Le sol deputat elegit es quitament pas occitanofòn. Mai qu’una volontat de pòble d’Aran de demorar amb Espanha, lo vòt aranés se pòt sustot explicar per la manca d’una representacion pròpra als araneses, que respondria a lors besonhs, que respectarià sas particularitats, que fa qu’ara se reconeis pas completament dins lo procés engatjat per Junts pel Sí.

Demest les unionistas, los vòtes pel PSOE en Baish-Aran s’explican per l’enrasigament fòrt de Paco Boya dins aquel parçan. La CUP, partit d’esquèrra, ecologic, per l’equilibri territorial e davancièr dins la batèsta pel drèit a decidir passa de 1,34% en 2012 a 6,33%. La pròva benlèu qu’una representacion occitana, de proximitat permetrà als araneses de se retrobar dins le camp politic.

Lo Partit Occitan rappèla son sosten al procés democratic iniciat per Junts pel Sí e soeta per Aran la presa en compte de sos interés pròpres, que pòdon converjar a tèrma amb los d’una Catalonha independenta, al sen de la quina aquel tròç d’Occitània aurià la man sus sa destinada.