Vòts de David Grosclaude, president del Partit Occitan
8 janvier 2014
Caras
amigas,
Cars
amics,
Que
poderí
solide essajar de har lo bilanç de l'annada escorruda ; que
soi segur, en har
aqueth exercici, que m'i desbrombarèi causas importantas.
Alavetz que
m'acontarèi de díser qu'estó
ua annada
positiva per l'occitanisme en generau quitament s'avem
enqüèra hòrt de
rasons de reivindicar.
La
crisi
qu'ei tostemps presenta e n'avem pas deishat de díser quau
èra lo noste punt de
vista sus la question. Qu'avem prepausat solucions entà'n
sortir e que
contunharam d'ac har en 2014.
Que
contunharam de díser l'urgéncia d'ua
vertadèra presa en compte de la descentralizacion,
l'urgéncia de la
regionalizacion, l'urgéncia de bastir ua Euròpa
dab regions qui averén un
vertadèr poder de decision.
Que
vienetz
de recéber lo bilanç deu tribalh deus elegits
regionaus deu noste partit. Que
pròva que, quan prenem reponsabilitats, que
sabem pesar un pauc sus la decision publica. Solide, que
caleré har mei e
miélher, mes qu'avem podut espravar l'utilitat d'aver
elegits occitanistas en
los conselhs regionaus.
L'annada
qui
vien serà ua annada d'eleccions.
Que
i aurà
prumèr las municipalas. Que sabetz lo tribalh qui a
hèit lo Partit Occitan entà
que sia aviada la dinamica de Bastir ! Que
v'encoratgi a sostiéner aquera iniciativa, a i participar
activament. Qu'ei
ua escadença importanta entà perméter
a l'occitanisme de s'implantar en
municipalitats, petitas o granas, a pesar suu tribalh de las
intercomunalitats.
Que
i aurà
tanben las eleccions europèas. Que
i
participaram d'un biais o d'un aute, a maugrat la dificultat
d'establir
relacions serenas dab los partenaris de las eleccions passadas qui son
los
ecologistas d'EELV. Que hèm çò qui cau
entà mantiéner relacions de las bonas
dab eths quitament se son tocats per ua crisi intèrna qui
non facilita pas las
causas. Que tribalham segur dab los nostes amics de la federacion RPS.
2014
que
serà donc ua annada d'activitat politica intensa. Mes har politica no's pòt pas limitar a las
eleccions. Qu'auram a
soscar, a tribalhar entà prepausar ideas,
projèctes qui haràn l'occitanisme
politic mei present en la vita deu país occitan.
E
a maugrat
la crisi qui tòca tota la societat, a maugrat las
dificultats economicas,
sociaus, culturaus e ecologicas, a maugrat l'imatge negatiu qui
pòt aver la
politica en lo cap de hòrt de personas, sabem que la
democracia non fonciona
pas shens estructuras capablas de pensar l'aviéner. E mei
que jamei los partits
que son ua necessitat, ua defensa contra los populismes e tots los qui
son
portaires de las solucions qui van a contrabriu de la democracia.
Que'vs desiri a totas e a tots ua bona annada 2014 e que v'arremercii deu vòste engatjament.
David
GROSCLAUDE
|
|