18 juillet 2014
Lo
Collectiu dels Intermitents d'Avairon (CiA) a redigit aqueste
document
Per
que totes, caumaires del regim general, interimaris, salariats
victimes de licenciament injustificat, intermitents de l'espectacle,
seniors, cadres, sián informats de la vertadièra
menaça suls
dreches socials de totes !
Çò
que defendem, o defendem per totes
Lo
CiA mena
actualament una lucha
per que l'acòrd Unedic del 22 març modificat lo
17 d'abrial siá
pas modificat pel Ministèri del Trabalh. Lo CiA fa patida de
la
CIP, Coordinacion Nacionala dels Intermitents e Precaris.
Aquel movement nacional lucha pas sonque pel drech dels intermitents.
Denonciam l'acòrd signat pel Medef, la CFDT, FO e la CFTC
dins son
ensemble que, s'es aplicat, los caumaires se trobaràn
victimas d'una
maquina a exclure ...
Lo
CiA se ten a la disposicion de totas aquelas e totes aqueles que
volrián dispausar de mai d'informacion.
c.i.aveyron@gmail.com
http://ciaveyron.wordpress.com/
Descriptatge
de l'acòrd Unedic del 22 de març 2014
Concernissent
los caumaires del regim general, los interimaris, los salariats
victimas d'un licenciament injustificat, los intermitents de
l'espectacle e los caumaires seniors.
L’analisi
apregondida de la nòva reglamentacion fa
parèisser que tocarà
totes los caumaires. Lo crotzament de las diferentas règlas
que bòta
en plaça es una maquina infernala d'exclusion e de
fragilizacion,
que butarà cadun a acceptar de trabalhar dins la mai granda
precaritat, en acceptant totes los trabalhons que se
presentaràn.
Per
se remembrar, 9 milions de personas vivon en dejós
del sulh de pauretat en França. Lo desvolopament d'una man
d'òbra
manejabla s'enseguís d'opcions politicas e economicas del
govèrn e
dels partenaris socials signataris. L'opacitat, la sornura, la
complexitat d'aquel tèxt, al contrari de la pretenduda
simplificacion anonciada, obligarà lo caumaire a se far
expèrt de
sa pròpria situacion. En fàcia, los agents
Pòle Emplec sabrondaràn
per la multiplicacion dels dorsièrs fasent de blocatges,
d'indeguts
e de decas d'interpretacion.
Nosautres,
caumaires del regim general,
Serem
encoratjats a acceptar qual trabalhon que siá a qual
prètz que siá,
fàcia a la necessitat permanenta de recargar un
« capital »
de dreches a allocacions. Perdrem la lisibilitat de nòstres
dreches
a l'indemnizacion, e veirem, fòrça,
nòstras allocacions baissadas.
Rapelam
que, uèi, 6 caumaires de 10 son pas indemnizats
Mas,
per aver de dreches recargables, caldrà ja aver poscut
dobrir de
dreches, un primièr còp, sus una tempsada de 122
jorns d'afiliacion
jos contracte o 610h de trabalh (4 meses) minimum. Èra ja lo
cas per
una dobèrtura de dreches al regim general, segon lo principi
de 1
jorn trabalhat = 1 jorn indemnizat. Amb las nòvas
règlas, s'aquela
1èra dobèrtura de dreches se fa sus de pichons
CDD mal pagats, los
dreches seràn dobèrts a un taus
pichonèl.
Contràriament
a abans, un contracte melhor pagat pendent la tempsada d'agotament
del capital podrà pas se cambiar al moment de l'indemnitat.
Es a
l'agotament total d'aqueles dreches dobèrts (capital)
qu'intervendràn, automaticament e sens despaus de
dorsièr, los
dreches recargables.
Caldrà
doncas aver trabalhat al minimum 150 oras per poder recargar sos
dreches.
Es
doncas la corsa als trabalhons que
començarà ! De pan benesit
pels emplegaires (en
10 ans l’utilizacion del CDD de mens d'1 mes a mai que
doblat!)...
Lo
calcul dels dreches se farà sus la basa de documents
(atestacions
d'emplegaires) que possedís Pòle Emplec. Lo
damandaire d'emplec
aurà 30 jorns per lo completar, se vòl que totas
las oras
trabalhadas sián presas en compte. Sens responsa del
damandaire
d'emplec dins los tempses, los dreches recargables seràn
dobèrts
sus las solas activitats conegudas del sistèmi informatic...
Cacha-vièlha d'indeguts en vista, en cas de regularizacion
ulteriora
!...
Nosautres,
Intermitents, sabèm de que parlam : en 2003,
foguèt botat en
plaça un principi de dreches recargables de 243 jorns pels
intermitents de l'espectacle. Dempuèi 2003, los salaris
cabussèron
dins aquel sector. Perqué ? Per
çò que quitament los
emplegaires qu'aurián los mejans de pagar coma cal los
salariats an
plan comprés qu'o podián far a un
prètz mendre. E que, se los
salariats l'acceptan, es per çò qu'an
primièr besonh de far lors
oras. A qual prètz que siá !
Nosautres,
interimaris,
Veirem
nòstra annèxa vuejada de sa mesolha e
nòstras règlas
d'indemnizacion alinhadas sul regim general.
Per
mai de 70% dels interimaris, l'acòrd entrainarà
una baissa de
revenguts qu'atenherà, en mejana, 200 euròs per
mes. Lo novèl
calcul del diferit d'indemnizacion ne podrà doblar la
tempsada.
La tièra dels beneficiaris de nòstra
annèxa 4 cambiarà
Dins
la nòva convencion, l'annèxa 4
concernirà pas pus que los
salariats intermitents (vacataris,
enclaus los de l'educacion nacionala, extràs de l'ostalaria,
enquistaires...),
mas
EXCLUSIVAMENT los salariats de las agéncias d'interim.
Totes los autres cabussaràn dins lo regim general. Ja mal
pagats,
seràn encara mens plan indemnizats qu'o èran,
puèi que lor jornada
de trabalh valrà pas mai 10 h mas 5h.
Aquela
mesura concernís de centenats de milièrs de
personas, trabalhant
per la màger part dins l'evenimencial, que se
veiràn privadas de la
mitat de lors revenguts e que seràn prèstas a
acceptar qual salari
en interim que siá, per estalviar un minimum de dreches.
Aquela
refòrma de l'annèxa 4 es la seguida logica de
l'escafament de las
règlas d'indemnizacion especificas al caumatge
sasonièr, en 2011.
Nosautres,
salariats victimas d'un licenciament injustificat,
Serem
descorats d'usar de çò qu'es un drech
essencial : sasir lo
Conselh dels Prud'Hommes, en seguida d'un licenciament injustificat.
En
seguida d'una rompadura convencionala (d'un acòrd comun) o a
un
licenciament, veirem nòstra indemnizacion rebutida fins a
l'agotament de las indemnitats suprà-legalas, per una
tempsada que
podrà anar fins a 180 jorns (al
luòc de 75 abans l'acòrd).
Rapelam
qu'aquelas indemnitats permeton : * a un salariat atjat de
quitar son emplec abans de poder far valer sos dreches a la
retirada ; * a las victimas de plans socials de far
fàcia a las
consequéncias d'aquel, en adobant lo prejudici d'un
licenciament
abusiu sus decision del tribunal dels prud'hommes.
Nosautres,
intermitents de l'espectacle,
Veiem
nòstras annèxas tornarmai feridas amb aquela
convencion.
Primièr,
per çò que recondutz lo protocòle de
2003, malgrat la fòrça de
nòstras perpausicions, aprèstadas e mutalizadas
dempuèi 10 ans.
Sabèm
que las reformas de 2003 entrainèron de nombrosas rompaduras
de
dreches e 70% de precaritat suplementària (plan
d'entre nautres caplevèron al regim general).
Aquelas
reformas son agravadas per las nòvas règlas
inscrichas dins l'acòrd
2014 : * Un diferit d'indemnizacion serà aplicat
als salariats
tocant un salari mensual a partir de 900 euròs. Aqueste
diferit
podrà aisidament aténher 1 mes. Aquela mesura
tòca de salariats
amb de revenguts mejans. Aquela mesura tocarà 47% dels
intermitents
(l’ancian
diferit, mes en plaça pels salaris los mai elevats tocava
sonque 9%
dels intermitents indemnizats).
- Las
cotisacions socialas seràn aumentadas de 2%,
çò qu'aurà un impact real sus las
pichonas companhiás.
- Per
contra, lo limit sul qual lo ministre del trabalh comunica, es talament
elevat que tocarà casiment degun !
- D’autre
latz, coma es ja la règla, un intermitent trabalhant a
l'encòp al regim general e al dintre de las
annèxas 8 e 10, que capita pas de trabalhar 507h en 319 o
304 jorns, cabussa dins lo regim general.
Amb
las nòvas règlas, se dins aquesta nòva
tempsada d'indemnizacion,
fa, a l'agotament de sos dreches, entre 150 e 506h en retribucion
d'espectacle, se veirà automaticament tornar admetre en
recarga
regim general, per una durada cambiadissa entre 30 e 120 jorns. Las
oras qu'auràn servit a aquela recarga podràn pas
pus èsser
utilizadas en dobèrtura de dreches de l'annèxa 8
e 10. Vendrà
malaisat de dobrir tornarmai de dreches dins las annèxas.
Nosautres,
caumaires seniors,
Veirem
recuolar lo manteniment de nòstras allocacions fins a l'atge
de la
partença en retirada. Los mai de 65 ans faràn
l'objèct d'un
« prelevament de solidaritat »
sus lor paga, que serà
versada al regim d'assegurança caumatge (contribucion
especifica de
solidaritat de 6,4%).
D’autras
trapèlas s'amagan dins aquela convencion : blocatge
de pagament
pels meses seguents se un mes es pas regularizat per un bulletin de
salari, blocatge de las indemnitats tre 3 meses d'abséncia
de
pagamaent d'allocacion per una represa d'emplec, generacion
d'indeguts per la reglamentacion e autras regaudiments que la
finalizacion del descriptatge nos reserva benlèu...
Totas
aquestas règlas balhan pas brica de lisibilitat al
damandaire
d'emplec per se projectar. Es lo cort tèrmi qu'es priorizat,
la
recèrca d'un emplèc a tota
fòrça !
Aqueste
acòrd s'inscriu dins la logica de l'alinhament de las
annèxas cap
al regim general, bravament tocat el tanben. I legissèm la
promèssa
d'un regim unenc, e, amb ela, l'espetada dels dreches socials. Son
objectiu es la demesida de las despensas de l'assegurança
caumatge,
en passant per l'aplicacion de nòvas règlas
d'indemnizacion,
aquelas d'aquí per far d'economias sus l'esquina de los que
pagan ja
« la crisi » : los
caumaires.
Citer cet article : http://partitoccitan.org/archivas/article1316.html