Espanha
ne pòt pas reprimir democracia en Catalonha.
Aqueste
diluns 29 de setembre, lo
Tribunal Constitucional Espanhòl, sasit per lo cap del
govèrn Mariano Rajoy,
ven de suspendre lo projècte de referéndum dels
Catalans sus la question de
l’independéncia. Aquela consulta, prevista lo 9 de
novembre, diu permetre als
ciutadan-a-s de la Generalitat de Catalunya de s’exprimir
democraticament sus
aquesta independéncia.
Lo
Reialme-Unit aviá pertant
autorizat i a qualquas setmanas un referéndum similar
qu’aviá vist una
participacion ciutadana massiva : mai de 80%. Lo quite Estat
francés
accepta un referéndum
d’autòdeterminacion per Novèla
Caledonia (acòrds de
Nomeà). Per tant de ‘trapar de govèrns
empachans la libra consulta de
ciutadans, cal anar en China amb los referéndums interdits
de Hong-Kong e de
Macau, uèi mai que d’actualitat.
Lo
Partit Occitan, estacat a las
valors de la democracia e als dreches dels pòbles a
dispausar de se meteisses,
repròva sens resèrva l’actitud del
govèrn espanhòl cap ad aqueste
procèssus
democratic d’expression de l’opinion dels ciutadans
catalans. Catalonha desira
legitimament ager una representacion dirècta en
Euròpa e sondar sos ciutadans
pr’aquò. Madrid ne diu pas far empach a
l’espelida d’aquesta novèla
Euròpa de
las regions e dels pòbles solidaris.
David Escarpit, delegat al Conselh Federal
Guilhèm Latrubesse, secretari federal