Accueil > En direct > Actu en région > Amassada regionau Aquitània e Lemosin lo dissabte 25 d’abriu a Sent...

Amassada regionau Aquitània e Lemosin lo dissabte 25 d’abriu a Sent Macari

PNG - 42.4 Ko
Amassada regionau Aquitània e Lemosin  lo dissabte 25 d'abriu a 
 Sent Macari (au ras de Lengon)       
 
Caras amigas
Cars amics
 
            Lo Partit Occitan qu'a decidit d'ahortir la soa organizacion e de crear ua seccion regionala Aquitània-Lemosin. Amassadas similaras que son organizadas en las autas regions occitanas.
Lo noste congrès deu mes d'octobre qui a decidit de lançar la renovacion deu partit.
 
            La nosta volontat, en tot s'apear sus l'eretatge deus trenta ans d'istòria deu P.Òc, qu'ei de dar un imatge navèth a la nosta organizacion e de poder arcuélher navèths militants qui no's son pas, dinc adara, voluts implicar en l'accion politica occitanista.
 
            Cadun de vosautes qu'aurà constatat que los partits non temptan pas hòrt de monde. E totun los partits que son necessaris e indispensables a la democracia. E dens lo contèxte de crisi qui tòca l'ensemble deu monde politic, non podem pas demorar shens har arren.
Entà marcar la nosta volontat d'arrenavir lo partit, lo congrès qu'a decidit de modificar lo nom. La decision presa qu'estó d'aperar lo noste partit endavant !  sos-titolat partit occitan.
 
Solide, au delà deu cambiament de nom, que devem presentar ua auhèrta politica a tots los qui son convençuts que las ideas qui portam an un aviéner e que son tanben ua solucion a la crisi economica, ecologica e culturau qui tòca lo país occitan.
 
            Lo programa deu noste partit que serà renovat sus la basa deu tèxte qui trobaratz en pèça junta dab aqueste messatge. Segur las basas deu programa que demoraràn mes que devem cambiar de ton, de vocabulari e tanben préner en compte las realitats de uei de la societat occitana, de l'economia deu noste país e tanben en har cas deus enjòcs europèus e planetaris.
 
La nosta amassada que's debanarà lo dissabte 25 d'abriu a 14h a Sent-Macari, au ras de Lengon.
Qu'ètz convidats a viéner participar a ua vrespada de discussion a l'entorn de l'idea qui ei de crear en Aquitània e Lemosin, com pertot en Occitània, ua organizacion politica capabla de participar aus debats qui hèn víver la societat occitana.
 
Therèse de Boissezon,
David Escarpit,
David Grosclaude,
Marie Jo Maruejols,
Pèire Boissièras
sòcis deu Conselh Federau deu Partit Occitan
 
 
 
 
Informacions practicas
L'amassada que's debanarà en ua sala de l'ostalaria Les Feuilles d'acanthe, (restaurant Le Pampaillet)5 carrèira de la gleisa (5 rue de l'église), 33490 Sent Macari (Saint Macaire).
 
 
 
14h Arcuelh et cafè
14 h 30  Amassada plenèra e ubèrta
 
— Ua organizacion politica occitanista activa en la nosta region dens quin encastre ?
— la refòrma territoriau
— lèu las eleccions regionaus
— Quinas accions ?
— Quina comunicacion (tematicas)
 
17 h conclusions
17h30 fin
 
 
                                   ---------------------------------------------------------------
 
PNG - 42.4 Ko


Assemblée régionale Aquitaine et Limousin, le samedi 25 avril
à Saint-Macaire (à côté de Langon).
 
Chères amies
Chers amis
 
            Le Partit Occitan. a décidé de renforcer son organisation et de créer une section régionale Aquitaine-Limousin.
Il s’agit de mettre en place une équipe d’animation du parti pour notre région.
Des réunions similaires auront lieu dans les autres régions occitanes.
Notre congrès du mois d’octobre au cours duquel il a été décidé de lancer la rénovation du parti.
 
            Notre volonté est de donner une nouvelle image à notre organisation et de pouvoir accueillir de nouveaux militants.
           
            Chacun de vous aura constaté que les partis ne tentent plus grand monde. Et cependant les partis sont nécessaires et indispensables à la démocratie. Et dans le contexte de crise qui touche l’ensemble du monde politique, nous ne pouvons rester sans rien faire.
            Afin de marquer notre volonté de renouveler le parti, le congrès a décidé de modifier son nom et la décision prise fut d’appeler notre parti Endavant ! sous-titré  Partit Occitan. Dorénavant le mot Endavant ! sera utilisé pour notre communication.
            Bien sûr, au delà du changement de nom, nous devons présenter une offre politique à tous ceux qui sont convaincus que les idées que nous portons ont un avenir et qu’elles sont aussi une solution à la crise économique, écologique et culturelle qui touche le pays occitan.
            Le programme de notre parti sera rénové sur la base du texte que vous trouverez en pièce jointe avec ce message. Bien sûr les bases du programme demeureront mais nous devons changer de ton, de vocabulaire et aussi prendre en compte les réalités actuelles de la société occitane, de l’économie de notre pays tout en prenant en compte les enjeux européens et planétaires.
 
 
La nosta amassada que's debanarà lo dissabte 25 d'abriu a 14h a Sent-Macari, au ras de Lengon.
Qu'ètz convidats a viéner participar a ua vrespada de discussion a l'entorn de l'idea qui ei de crear en Aquitània e Lemosin, com pertot en Occitània, ua organizacion politica capabla de participar aus debats qui hèn víver la societat occitana.
Notre réunion aura lieu le samedi 25 avril à 14 h à Saint-Macaire, près de Langon. Vous êtes conviés à venir participer à l’après-midi de discussion autour de l'idée qui est de créer  en Aquitaine et Limousin, comme partout en Occitanie, une organisation politique capable de participer aux débats qui font vivre la société occitane.
 
Therèse de Boissezon,
David Escarpit,
David Grosclaude,
Marie Jo Maruejols,
Pierre Boissières
membres du Conseil Fédéral du Partit Occitan
 
 
 
Informations pratiques
La réunion aura lieu dans la salle de séminaire de l’hôtel-restaurant Les Feuilles d'acanthe, 5 rue de l'église, 33490 Saint Macaire (restaurant Le Pampaillet)[1].
 
14 h accueil et café 
14 h 30 Séance plénière et ouverte
 
— Une organisation politique occitaniste active dans notre région dans quel cadre ?
— La réforme territoriale
— Bientôt les élections régionales
— Quelles actions ?
— Quelle communication (thématiques)
 
17 h conclusions
17h30 fin
 
 
 

 
 
PNG - 42.4 Ko

                                                                                              
 
Qué sèm ?
Nòstra organizacion a coma ambicion de respondre a las preocupacions de nòstra societat, que son socialas, economicas, ecologicas e culturalas.
La question de las decisions, que sián politicas o economicas, de la manièra e dels endrets ont se prenon, es una question màger.
Sèm doncas una organizacion politica federativa e democratica, dubèrta a totes los que desiran obrar pel desvolopament d'una consciéncia ciutadana occitana coma element d'una ciutadanetat planetària.
 
Quals sèm ?
         Sèm d'occitans, de personas que vivon en Occitània, conscientas de lor especificitat. D'unes parlan la lenga e la transmeton. D'autres la parlan pas mas considèran qu'es un element important que cal desvolopar e qu'es de la responsabilitat de totes los que vivon sul territòri occitan, quala que siá lor origina. 
 Volèm metre aqueles elements de l'identitat occitana al servici del desvolopament de nòstre territòri
         L'uniformizacion culturala es un factor d'apauriment. Es lo resultat d'una concepcion inegalitària de las culturas, dels pòbles e doncas dels individús. Es a l'origina de frustracions e fa nàisser de fenomèns comunitaristas perilhoses.
         L'Euròpa la vesèm federala. Fòrça decisions ditas de « Brussèlas » son per la màger part de decisions dels caps d'Estats amassats dins lo Conselh europèu. Es pas aquò que pòt far una Euròpa democratica. Per nosautres refortir l'Euròpa es un mejan de refortir la democracia.
La politica europèa actuala es donc marcada per una vision economica que pren pas en compte lo necessari cambiament virat cap als objectius màgers que son la reduccion de las inegalitats, una melhora reparticion de las riquesas e un desvolopament equilibrat bastit sus la sobrietat de consum dels espacis e de las riquesas naturalas. 
Sèm doncas de federalistas, democratas, ecologistas, europeïstas que vivon en Occitania.
 
De qué parlam?
         La centralizacion en França entrava lo desvolopament durable dins los domenis economic, social, cultural e lingüistic. Lo centralisme limita l'exercici de la democracia dins nòstres territòris.
         L'Union europèa es un espaci pertinent per tal que s'organize un federalisme de las regions d'Euròpa. Lo federalisme es per nosautres lo biais de prendre compte las constrenchas ecologicas planetàrias ambe lors consequéncias economicas e socialas.  Sèm favorables a çò que s'apèla « lo federalisme diferenciat ». Se tracta de préner en compte la diversitat de las situacions e la diversitat dels territòris.
         Lo poder de las collectivitats territorialas es un enjòc màger per las annadas que venon. Las solucions als  problèmas d'energia, de rescalfament climatic, de ressorsa en aiga, de proteccion de la biodiversitat, e de qualitat de l'environament se pòdon pas trobar dins una manièra de far centralista. Sèm favorables a una capacitat de decision politica de las regions qu'ane fins a la competéncia legislativa, çò qu'es pro corrent en Euròpa.
         Lo sistèma fiscal francés priva las collectivitats de quasi totas ressorsas pròprias.  Es un factor de dependéncia de las collectivitats ; las paraliza e las desresponsabiliza. La qualitat de la democracia ne patís.
 
         Lo famós eslogan «Viure e trabalhar al país» anonciava, de son temps, la necessitat de cercar de modèls economics que permetan un desvolopament equilibrat. La centralizacion politica acompanhada d'una centralizacion economica es un factor de fragilitat.
Pensam que l'economia se pòt pas regular sonque gràcias als mercats. Podèm pas esperar, ni desirar, que torne un creis economic a l'anciana. Aquel creis tornarà pas de tot biais. Ne cal inventar un autre. Lo desvolopament se deu bastir ara sul melhorament de las condicions de vida de totes e, primièr, dels pus desfavorits.
Consumir totjorn mai es pas la solucion, produsir mai tanpauc. Cal combinar la satisfaccion dels besonhs socials ambe la conversion de l'economia cap a una utilizacion sòbria de las ressorsas naturalas. Es la basa per un creis novèl. Los progrèsses de productivitat dins lo tribalh devon servir primièr a la reduccion de las inegalitats.
 
         Pausam la question de la lenga occitana e de la cultura que pòrta. Pensam qu'aparar una lenga e una cultura es un objectiu politic màger e que la diversitat es necessària al desvolopament uman. Lo fenomèn d'uniformizacion apaurís la capacitat dels òmes a inventar de solucions novèlas de desvolopament, adaptadas a cadun dels territòris e a caduna de las situacions. Cal per la lenga occitana una politica publica dinamica e un estatut legal clar e digne. 
 
 Globalizacion, cambiament climatic, diversitat culturala e lingüistica, democracia territoriala, mutacion energetica, fòrmas novèlas d'organizacion de la produccion e del consum : son las questions que preocupan l'umanitat en aqueste començar de sègle.
 
 
 
 
 
 
 
 
 


© Partit Occitan 2009 | Contact | Mentions légales | Plan du site