La
refòrma del collègi contra la diversitat
culturala?
Las
enquestas
internacionalas (PISA) mòstran qu'en
França sèm lo país d'Euròpa
ont
l'origina sociala es determinanta dins la capitada escolara, alara
qu'es pas çò
meme dins los autres paises. Perqué aquel
problèma? Lo sistèma educatiu francés
es eiretat del modèl napoleonian que voliá far
espelir una eleit privilegiada,
puslèu que de far progressar l'ensemble dels
dròlles.
En se volent acarar a aquel problèma, la refòrma
del collègi prepausada per la
ministra Najat Vallaud- Belkacem va dins lo bon sens en tornant visitar
los
programas, en balhant mai d’autonomia a las còlas
de professors e en instaurant
d'ensenhaments practiques interdisciplinaris.
Mas i a quicòm que truca ! L’ensenhament
de las lengas regionalas e de l’occitan primièr es
estat
completament desmembrat. Qué
se
passarà amb las oras d’ensenhaments
opcionals? Quin avenidor per las
seccions bilinguas occitan ? Un còp de mai las
decisions presas a Paris
ignòran aquela realitat que concernís dezenats de
milliers d’escolans et
centenats de professors. Es nòstre patrimòni
lingüistic e cultural qu'es
amenaçat de disparicion. Es renegar los engatjaments preses
per França en
matèria de diversitata culturala e lingüistica. Es
pas possible de cridar al
Monde que cal preservar e desvolopar aquela diversitat s'aplicam pas
aqueles
principis dinc nòstre pròpi sistèma
d'ensenhament.
Lo Partit Occitan demanda als parlamentaris d’intervenir per
balhar un
vertadièr estatut a l’ensenhament de las lengas
regionalas. La diversitat
lingüistica es un atot que cal preservar activament, totes los
actors que son
engatjats dins aquela dinamica an besonh d’una lei que los
apare e lor
permeta d’avançar.
Uc
Jourde
Partit
Occitan