Lo Partit Occitan rejonhèt oficialament la lista Euròpa Ecologia per las eleccions europencas de junh de 2009. S’investirà fòrça sul teritòri occitan dins la lista Sud-Oest menada per José Bové e Catarina Grèze, dins la lista Sud-Est menada per Miquèla Rivasi e Francès Alfonsi, Dins la lista Centre Massiu Central menada per Joan-Pau Besset e en partida sus la lista Grand Oest menada per Ianic Jadot
L’estategia europenca del Partit Occitan s’inscriu dins lo trabalh comun fargat ambe los partits autonomistas de la Federacion « Regions e Pòples Solidaris (R&PS) » al nivèl estat francés e « l’Aligança Liura Europenca (ALE) » al nivèl europenc e que compta 6 eurodeputats. Atal, es Francès Alfonsi (PNC) que foguèt designat per portar las ideas autonomistas dins lo ramosament Euròpa Ecologia cap a la segonda plaça sus la lista Sud-Est. De candidats del Partit Occitan l’acompanharàn sus las circonscripcions occitanas.
L’òsca europenca es essenciala per una responsa a las crisis actualas. En causissent una federacion dels pòples e de las regions solidaris, l’Union Europenca trepassa las blocaduras de l’estat francès atal la sortida del nucleari, la decentralisacion dels poders politics e economics, la reconèissença de las lengas e de las culturas minorisadas. « Unida dins la diversitat », la devisa europenca pren alara tot son sentit.