12/12/2010 : Crida de la coordinacion "ANEM ÒC"
6 décembre 2010Dimenche 12 de decembre
Totei a Vilanòva de Magalona (34)
Recampament a 11h davant la Comuna
Un jutjament dau tribunau administratiu de Montpelhier condemna lo Cònse de la comuna de Vilanòva de Magalona (Eraut) de levar sei panèus en occitan a l’intrada de la vila, avant lo 12 de decembre…
La Coordinacion Anem Òc fa rampelada per sostenir aquesta comuna que vòu gardar sei panèus bilingües !
Aqueste jutjament discriminatòri fa la pròva que - maugrat lei dires de nòstre Ministre de la Cultura : “Le cadre légal actuel permet une présence […] des langues régionales dans l’espace public : […] par exemple de signalisation routière ou urbaine, qui du moment qu’ils le sont aussi en français, peuvent être […] en langue régionale.” – nòstre drech fondamentau a la preséncia de la lenga d’òc dins la vida publica es pas respectat.
Mai que jamai fa urgéncia d’una lèi que done un quadre legau e de garantidas per lei lengas regionalas.
Siguem nombrós, aquest dimenge, per que siágue enfin reconoissut lo drech dei ciutadans a viure sa diversitat lingüistica e culturala !
