Edition : Robert Lafont et l’occitanisme politique, petite contribution à une pensée moderne
6 juillet 2011"Tan melhor se d’obratges sus Robèrt Lafont lo lingüista mancarán pas d’espelir, urosament se d’estudís sus Robèrt Lafont lo romancièr florirán d’aicí o d’ailà, immancablament d’unes se clinarán sus l’òbra poetica de l’escrivan provençal, mas que ne serà del Robèrt Lafont analista e militant politic ?
E pr’aquò, dins lo seu trabalh d’intellectual engajat, dins la seu bibliografia, la soscadissa politica ten una plaça caporala. Mas qual ne farà jamai l’inventari e l’estudi ?
Pensi pas que calgue comptar sus qualques intellectuals jacobin e franchimand. Al contrari aquestes se gardarán plan de revelar al public lo Robèrt Lafont teorician de l’occitanisme politic. De « La révolution régionaliste » publicada en 1967 fins a sa mòrt, Robèrt Lafont a pas jamai arrestat de soscar lo combat per la l’amancipacion d’Occitània.
Urosament, al Partit Occitan, Gerard Tautil s’es atelat amb capacitat e energia a l’espelucada menimosa de l’òbra politica del Paure Robèrt Lafont que, siá ditz en passant foguèt el tanben sòci del partit fins a la fin.
Per saupre d’ont ven e saber ont va, cada militant(a) del partit se deu de crompar e de legir « Robert Lafont et l’occitanisme politique » de Gerard Tautil. Doblidessem pas qu’en politica coma dins tota autras activitats umanas i pòt pas aver d’accion senada sens reflexion prealabla o concomitanta.
S. V."
Prètz del libre (1 ex.), franc de pòrt : 17 €.
5 ex : 60€ (sia 12€ l’ex.) + Participacion au pòrt : 4€). : totau : 64€
Per mai de 5 ex : 12€ l’ex. e apondre 5€ per participacion au pòrt.
Redigir lo chèc a l’òrdre de Gerard Tautil e lo mandar a l’adreiça seguenta :
Lo Cebièr/Gerard Tautil – B.P. 37 – 83870 Signes
Çai-dejós lo papafard de comanda a imprimir.
- Robert Lafont et l’occitanisme politique - G. Tautil (2011)
