Albi : An tombat los arbres del Luda !
30 janvier 2012D’arbres dins la vila, aquo’s tras qu’important. L’estiu pòrtan d’ombre per demesir lo calimàs pels pedatons e automobilistes. Mas es pas tot : fabrican d’oxigén, aparan de la suscalfa lo beton e lo quitràn, enfin fan la ciutat mai polida.
A aquel titol, tombar los arbres del Luda es de planher. Lo Comitat Albigés del Partit Occitan pòrta son sosten als ribairencs, e a totes los que se servisson d’aquesta plaça-parcatge, la darrièra a gratis de la vila. Lo biais de far es condemnable : a la lesta, sens explicas, sens discutida !
Sens voler polemicar, prepausam de dubrir vertadièrament aquel dorsier amb los ribairencs :
a) Organisar una amassada de concertacion sus l’avenidor d’aquesta plaça.
b) Tornar plantar d’arbres abans la fin de l’ivern.
c) Faire participar los estatjants a la causida de las esséncias a partir d’una seleccion.
d) Prepausar als que o desiran de participar a la plantacion.
Es un biais de petaçar lo traumatisme, de trencar amb las derivas autoritàrias e de tornar trapar la convivéncia que la civilisacion occitana pòrta de longa.
Gisèla Bèrlic, secretària del comitat d’Albigés del Partit Occitan
tarn@partitoccitan.org/archivas