Autonomia e umanisme
La
reconeissença de la Comunautat occitana per los Estats
francés, espanhòl, italian e l’Union
Europèa.
Una
larga autonomia d’Occitània, sus la totalitat de
l’airal d’espandiment de la lenga occitana (encluit
las vals occitanas actualament dependentas de l’Estat italian
e la val d’Aran dins l’Estat espanhòl).
La
creacion d’una Amassada de la Comunautat Autonòma
d’Occitània dotada d’un executiu e
recampant d’ elegits d’Auvernhe, de Dalfinat, de
Gasconha, de Guiana, de Lengadòc, de Lemosin e de
Provença.
La
mesa en òbra d’una politica coordonada per
l’espaci occitan apièjada sus una volontat de
desvolopament duradís, de justícia sociala e de
respecte de l’environament.
Una
politica culturala promocionant la lenga occitana e li balhant tota sa
plaça dins la societat.
La
representacion directa de la Comunautat Autonòma
d’Occitània dins las institucions
europèas dins l’encastre d’una
Euròpa federala dels pòbles e de las regions.
Lo
Partit Occitan, moviment autonomista de progrés
s’emplaça dins l’encastre democratique
d’una
vida politica pluralista.
Lo
Partit Occitan refusa l’us de la violéncia per
atenher sos objectius politiques e usa pas que dels mejans legals per
los capitar.
Lo
Partit Occitan condemna tota forma de racisme, de fascisme, de
totalitarisme e de chauvinisme nationalista.
Lo
Partit Occitan sosten lo drech dels pòbles a
l’autodeterminacion e a aparar lors dreches politiques,
economiques e culturals. Refusa lo colonialisme et
l’imperialisme jos quina forma que siague.
Lo
Partit Occitan òbra per lo respècte dels dreches
de l’òme e per la patz.
