Accueil > En direct > Actualités > Gustau Aliròl : "una volontat politica es afortida"

Gustau Aliròl : "una volontat politica es afortida"

26 novembre 2013

Dijòus, 21 Novembre 2013 11:02

Lo conselhièr régional Gustau Aliròl respond a las nòstras questions sus l'evolucion de la politica lingüistica en favor de l'occitan auvernhat.

Auvèrnha fa las causas progressivament, etapa per etapa. Fins ara, èra un esquèma classic de subvencions salpicadas mas ara un cap es estat clarament doblat aval : lo d'una politica lingüistica mai estructurada. Lo 19 de novembre se debanava una conferéncia especialament consacrada a la lenga nòstra al licèu Amédée Gasquet a Clarmont d'Auvèrnha. Titolada «  l'occitan al sègle XXI  » s'i parlava pas de patrimòni calhat mas d'un patrimòni viu ancorat dins lo temps present e virat cap a l'avenir.

Lo president de la Region Auvèrnha René Souchon (PS) a fait d'unas declaracions a l'escasença d'aquela jornada. Èra lo primièr còp que preniá posicion publicament sul sicut. A anonciat primièr la signatura d'una convencion amb lo Rectorat de Clarmont. Se deuriá far per la dintrada de setembre de 2014. A tanben anonciat la signatura de la Carta interregionala pel desvolopament de l'occitan, ja signada per cinc regions.

En precisant que la Region Lemosin es tanben signatària d'aquela carta, nos podèm demandar se las Regions del nòrd d'Occitània començarián pas a voler ragantar lor retard per çò qu'es d'una politica linguistica estructurada. Amai, compte tengut de la vitalitat de la lenga dins d'unes parçans nordistas coma Peiregòrd o Lemosin, l'avenir de la lenga seriá justament pas al nòrd  ?

Gustau Aliròl, conselhièr regional delegat a la lenga occitana per Auvèrnha (Partit occitan), dona son sentit sus aquela jornada del 19 de novembre a Clarmont :

© Partit Occitan 2009 | Contact | Mentions légales | Plan du site