Lo Partit Occitan prepausa de sostiéner Christian Troadec

Lo 18/04/2016

Lo Partit Occitan a organizat una consultacion de sos militants per lor demandar quina posicion deviá prendre per l’eleccion presidenciala de 2017.

64% dels qu’an respondut a la consultacion an dit que lor preferéncia èra de participar a la campanha de las eleccions presidencialas e legislativas en collaboracion amb d’autres partits regionalistas e autonomistas ; lo Partit Occitan es sòci de la federacion Regions e Pòbles Solidaris.

Per çò qu’es de l’eleccion presidenciala, a las questions pausadas los militants del Partit Occitan respondon  que son favorables a la candidatura d’una personalitat capabla de portar lors ideas sus la democracia, la descentralizacion, l’Euròpa e los grands problèmas socials e ecologics que son pausats a nòstra societat.

Los militants del partit Occitan se dison favorables a l’idèa de sostenir un candidat que será portaire  aquelas idèas que siá occitan o pas.

En consequéncia lo Partit Occitan se virarà cap a la federacion RPS per los jorns que venon e prepausarà que siá donat un sosten oficial a la candidatura de Christian Troadec, lo conse de Carhaix, qu’anoncièt la setmana passada que se lançava dins la recèrca de las signaturas per se poder presentar a l’eleccion de 2017.

Ana-Maria Hautant, secretari federala del Partit Occitan

Las darrièras publicacions / Les dernières publications :

rolloverimagesample