Aquel collectiu, compausat de sòcis de tots orizonts (esfèra politica coma societat civila) se lança dins la campanha de las eleccions regionalas. Lors mots-claus son « solidaritat« , « democracia » e « ecologia« . Lo Partit occitan se vòl associar a aquela iniciativa.
Après de negociacions mancadas amb lo cap de lista EELV Françoise Coutant e una abséncia de consultacion de las parts del PS e del Front d’Esquèrra, lo Partit occitan a causit una autra via per èsser present a las eleccions regionalas venentas. A doncas decidit de participar a « La Vague Citoyenne » (l’onda ciutadana) sus decision de son Conselh federal. Aquela iniciativa es portada per de personas encartadas o pas e qu’an causit de portar una alternativa a las listas partisanas classicas. Dins un comunicat anonciant sa participacion a la Vague, lo PÒC constata que los partits que « pretendon portar las idèas nòstras » an obrat per « despartar tota participacion occitanista a aquestas eleccions regionalas« .