Lo collectiu tolosan de sosten al referendum de Catalonha protestèt dissabte passat davant lo consolat d’Espanha. Demest los acampats i aviá l’elegit del Partit Occitan, Guilhèm Latrubesse. A la velha de la fèsta nacionala d’Espanha, los manifestants volguèron mostrar lor indignacion per que lo govèrn espanhòl demandèt al Tribunal Constitucional d’enebir la tenguda del referendum previst pel 9 de novembre.