16 décembre 2014
Reforma de las collectivitats : un
magre resultat
Cada
jorn que passa nos pòrta d'informacions que
pròvan que la refòrma de las collectivitats
territorialas cambiarà pas res.
Avèm la tempatacion de demandar : « Tot
aquò per far aquò ? ».
Mentre
que lo Parlament es a estudiar las
competéncias donadas a las diferentas collectivitats
podèm sonque constatar que
res cambiarà pas vertadièrament.
Los
departaments contunharàn d'existir e lors
representants fan cada jorn la pression maximala sul govèrn
per que lors
competéncias sián preservadas. E aquò
marcha !
Lo
resultat serà donc fòrça magre e
portarà pas cap
de melhoracion al foncionament del sistèma
politico-administratiu francés.
Lo
bilanç ? Auràn retalhat las regions
(fòrça mal)
sens lor donar los mejans economics de trabalhar e auràn
creat las metropòlis.
Es tot !
Los
departaments demoraràn, amb la quasi totalitat
de lors competéncias. Per çò qu'es de
l'Estat sembla pas dispausat a far
d'esfòrces per se reformar e dessarrar enfin la brida a las
collectivitats.
Se
lo Parlament pren pas de decisions coratjosas,
se dona pas a las regions de poders novèls
vertadièrs, de recèptas fiscalas
novèlas en quantitat e en qualitat, aquela reforma
aurà pas servit de res, en
defòra de far un pauc mai complicat lo sistèma.
Per
çò qu'es del dret de las regions a adaptar las
leis e los reglaments, sembla passat a la trapa.
David
Grosclaude
Secretari federal
delagat a las relacions institucionalas
Partit
Occitan
Citer cet article : http://partitoccitan.org/archivas/article1449.html