Amassat a Carcassona los 13 e 14 de junh de 2009, lo conselh federal del Partit Occitan saludèt la poderosa dinamica que se farguèt a l’entorn d’Euròpa Ecologia, ramosament de fòrças autonomistas e ecologistas engimbrada per Danièl Cohn-Bendit e Gerard Onesta.
D’ara enlà, los autonomistas de la federacion Regions e Pòbles Solidaris son representats al parlament europenc per Francés Alfonsi, del « Partitu di a Nazione Corsa » e lo grop Ecologistes-Aligança Liura europenca.
Dins un contexte de crisi, la campanha menada sul terrenc s’estaquèt de faire partejar de nòvas prepausicions ecologistas, socialas e institucionalas a l’escalon europenc. Aquelas responsa alternativas trespassan l’encastre dels estats-nacions e s’apeban sus una Euròpa federala de las Regions e dels Pòbles, estructura democratica en capacitat d’articular lo global e lo local.
Las eleccions regionalas de 2010 permetràn d’engatjar lo debacte sul vejaire politic de nòstres terradors e sus las responsas de proximitat. Lo Partit Occitan se mobilisarà fòrça sus aquel escalon territorial d’avenidor, per fin d’assegurar, ambe los autres components del ramosament, la preséncia dels promotors de l’autonomia sus l’ensemble de las regions occitanas.
Lo Conselh Federal del Partit Occitan
Contact-premsa : Guilhem Latrubesse Tél. : 06 19 15 31 64
secretari.federal@partitoccitan.org/archivas