Lo 8 de decembre de 2008, Ivo de Boer, secretari executiu de la Convencion-cadre sul Cambiament climatic, desclarava : "80 % de las accions de demesida de las emissions dels gases a efièch de sarra e gaireben 100 % de las accions d’adobament a las consequéncias del cambiament climatic son menadas a un nivèl infra-etatic". Es a dire al nivèl local e regional.
Lo govern escocés, per exemple, s’engatja per 2020, sus una demesida de 41 % de las emissions dels gases a efièch de sarra.
Lo Grenelle de l’environa prevesiá de rendre obligatòri un "Plan Climat" dins cada region de l’exagòn e dins la collectivitats de mai de 50000 estatjants.
Mas las Regions necessitan mejans budjectaris suplementaris per fargar una politica ambiciosa e duradissa de demesida de las emissions dels gases a efièch de sarra.
Es lo revers que presedican Sarkozy e son govern. Lor projecte de reforma territoriala a per tòca d’escafar los mejans de o far per las collectivitats localas – e, doncas, las Regions- .
Segon eles, es al nivèl central que que tot se dèu decidir, pel climat coma pel demai.
Per ensajar d’assegurar lor subrevida politica, van al contre de çò que se fa gaireben sus la planèta tota !
Tre los jorns a venir, lo Partit Occitan sona los Occitans a participar a las protèstas organisadas dins l’encastre de la mobilisacion per la capitada de la Conferéncia de Copenaga sul climat (7-18 de decembre de 2009).
La lucha per de Regions dotadas de vertadièrs mejans e de vertadièrs poders se perseguirà al moment de las eleccions regionalas de març de 2010 dins lo ramosament Euròpa Ecologia.