#elegitsenaccions – Zoom sur l’Aquitaine

Lo 23/12/2014
Les élus vous proposent, une fois par mois, à tour de rôle, de vous informer de leurs dernières actions.
Parce que nous croyons en la démocratie participative de proximité et en l’importance de la transparence des actions publique.

Ce mois-ci, compte-rendu de David Grosclaude sur les actions entreprises en Aquitaine :

« Deu 26 d’octobre au 3 de noveme que soi estat enviat au nom de la Region Aquitània, com responsable de la commission qui s’encarga de la cooperacion descentralizada, a Madagascar.
Que i avem accions de  cooperacion pertocant l’agricultura e la formacion professionau. Qu’avem enviat per un milion d’euros de maquinas qui serveishen a la formacion dens los licèus professionaus. Qu’èra particularament materiau entà la formacion deus mestièrs de la mecanica. Qu’avem installat aqueth materiau en tres licèus professionaus.

Au mes de noveme en l’encastre de la politica lingüistica de la Region Aquitània, qu’avem organizat en tots los departaments d’Aquitània amassadas de concertacion dab lo monde associatiu e dab las collectivitats (departaments, intercomunalitats e comunas) a l’entorn de la creacion de l’Ofici Public de la lenga occitana. En tot mei de 150 personas an participat a aqueras amassadas.

Total qu’anóncia que vòu arrestar per un moment lo tribalh de depollucion deu site de Lac qui a deishat d’expleitar desempuish un an. La premsa que publiquè la mea reaccion on demandavi on èra la moneda provisionada per Total entà aqueth tribalh qui ei de la soa responsabilitat ? Total que preten d’estar tocat per la crisi e de pas aver, peu moment, los mejans de seguir aqueth tribalh indispensable.Que i a de qué arríder quan sabem los beneficis de Total.

Los conselhèrs regionaus deus grops EELV de la tres regions Aquitània,Lemosin, Peitau-Charantas que s’amassèn au començar de deceme a Liborna. Tots los elegits non son pas membres d’EELV.

Que parlèm de la fusion futura. la question de l’identitat occitana qu’estó pausada, quitament per responsables de Peitau-Charantas. La refòrma e la fusion n’agradan pas a arrés. Un comunicat per denonciar ua refòrma hèita a la lèsta que sortí d’aquera jornada.

Sostien a Ch. Laine (PS) lo maire de Lescar  ( vila de l’aglò de Pau) . Que tornavan a las urnas en la soa comuna e sus la soa lista Terèsa de Boissezon  deu P.OC . La lista qu’ei estada elegida e Terèsa qu’ei au conselh municipau. Que m’a semblat logic de sotiéner aquera lista com ac avèvi hèit au mes de març passat.

Aqueste divés 19 de deceme que’s tien a Bordèu, au Conselh Regionau, l’Amassada. Qu’ei lo moment quan vienen associacion e institucions entà har lo punt sus la politica en favor de l’occitan. Augan qu’avem convidat las associacions de Lemosin e de Peitau-Charantas en vista de la fusion de las regions qui ei adara en via de realizacion.

»David Grosclaude
Conseiller régional d’Aquitaine

 

Las darrièras publicacions / Les dernières publications :

rolloverimagesample