Accueil
> En direct
> Actualités
> Lo 17 de mai à Murèth : una associacion d’elegits e la seguida del movement...
Lo 17 de mai à Murèth : una associacion d’elegits e la seguida del movement BASTIR !
29 avril 2014
L'amira de la jornada es de far espelir e viure doas estraucturas que s'entrajudaràn.
1) Una associacion d'elegits occitanistas qu'aurà per amira unica de trabalhar en favor d'une politica linguistica publica per l'occitan. Aquesta associacion d'elegits aculhirà tots los que son elegits dins una collectivitat e que s'engagtjan dins lor collectivitat e dins l'ensemble del territòri occitan a far que la lenga occitana siá reconeguda, que siá l'objècte d'une politica coerenta que donarà a la lenga occitana una plaça dins l'espaci public, que donarà als occitans los mejans de practicar lor lenga, de la far viure e de la desvolopar.
2) Lo movement BASTIR ! qu'es un movement ciutadan que foguèt creat fa un pauc mai de dos ans, permetèt la presentacion de mai de 110 candidats per las municipalas del mes de parç passat. Aquel movement a per sòla lo tèxte titolat « Manifèste Occitanista ». S'es donat coma amira de far dintrar dins lo debat public una vision occitanista del desvolopament del territòri en fasent una plaça bèla a la question culturala e lingüistica, sens per aquò negligir los autres aspèctes de la vida de las regions occitanas.
La jornada del 17 de mai, dubèrta a tots, permetrà de debatre del biais que l'associacion dels elegits trabalharà e coma collaborarà amb BASTIR !
D'un autre costat, lo movement BASTIR ! se deurà interrogar sus son organizacion a venir (es pas un partit e aculhís de monde divèrs ligats per un engatjament occitanista) e deurà preveire tanben coma pòt far espelir de candidaturas per las eleccions venentas.
LO PROGRAMA : http://media.wix.com/ugd/cc1e3b_c00fc02fdd1d4fb489a11f6df53d31d2.pdf
Autre langues disponibles : français
Citer cet article : http://partitoccitan.org/archivas/article1200.html
© Partit Occitan 2009 |
Contact |
Mentions légales |
Plan du site