archivas

Accueil > En direct > Dans la presse > Regionalas : los occitanistas s’organizan (La Setmana)

Regionalas : los occitanistas s’organizan (La Setmana)

©RLR

Sèm ja dins un ambient de pre-campanha per las eleccions regionalas. Pauc a pauc, los caps de lista son designats per las formacions politicas màgers per concórrer a la darrièra eleccion intermediària del quinquenat. Compte tengut del recul pro net de l’esquèrra a las departamentalas, quina estrategia adoptar per las eleccions regionalas ? En Occitània, sèm plan partits per aver un novèl scenari de candidaturas autonòmas al primièr torn e de raliament al segond torn... amb las resultas que sabèm per las departamentalas.

Pasmens, pel conselhièr regional sortent Guilhem Latruvèrsa, cal seguir amb l’estrategia d’ofèrta diversificada al primièr torn. « Que sabem plan que dab las fusions de prumèr torn, totas las votz ne s’addicionan pas, çò nos a dit, que pensi qu’ei ua bona estrategia de partir dab ua auhèrta mei larga au prumèr torn...""

Tà nosauts occitanistas, que i averà ua proposicion que s’inscriverà, en foncion de las regions, dilhèu dab los socialistas e dilhèu dab los ecologistas... que depenerà de cada cas ». Aquela dinamica autonòma se deuriá aviar d’en pertot, a l’excepcion de Provença ont la situacion es mai complicada per l’esquèrra (veire article). Dins l’immediat, los autonomistas occitans desiran far sang nòva.

Tot en gardant los « fondamentals » eretats del PÒc e del movement VVAP, se desiran adaptar al jorn d’uèi. Aquò comença per un cambiament de nom. An pres acte del fait que l’electorat se desvira dels partits, quitament se pensan que ne cal. « Qu’èm convençuts que cau partits, mes que cau tanben cambiar la nosta faiçon de ns’adreçar au monde » çò nos a explicat l’elegit aquitan David Grosclaude.

LEGIR LA SEGUIDA

Citer cet article : http://partitoccitan.org/archivas/article1568.html

En direct

Des questions ?
Écrivez-nous !