Accueil > En direct > Communiqués > Una alternativa politica per l’avenir d’Occitània

Una alternativa politica per l’avenir d’Occitània

13 octobre 2009

Per miliers, d’Occitans aniràn a Carcassona, esto 24 d’octòbre de 2009, per reclamar un còp mai un avenir e de mejans per la lenga nòstra.

En 2008, lei reconoissent dins la Constitucion, la Republica francesa semblava tenir còmpte de l’existéncia e de la valor dei “lengas regionalas”.

Mai, l’a jamai agut de mesura concreta per afortir son existéncia, maugrat la promesa d’una lei per 2009.

Tant au regionau coma au locau, levat una ponhada, leis elegits fan pas que renonciar a sa responsabilitat istorica , fàcia a la desparicion de l’identitat occitana.

Lo fracàs d’anóncias successivas fa pas que sotalinhar la flaquesa dau semblant dei realizacions.

Lo Partit Occitan sosten la manifestacion de Carcassona.

Pasmens, per nòstra preséncia, afortirem la necessitat d’una alternativa politica que prengue en còmpte clarament, dins sei prioritats, la question de l’avenir d’Occitània dins sa diversitat. Aquí es la vertadiera clau per far viure, e pas solament far subreviure, la lenga e la cultura occitanas.

Sensa preséncia politica, sensa projècte democratic e realista per Occitània, l’accion associativa basta pas.

Fasèm una crida ais Occitans conscients deis enjuècs e de l’urgéncia per se recampar ambé n’autrei lo 24 d’octòbre a Carcassona.

  • delicious
  • digg
  • facebook
  • fuzz
  • google
  • myspace
  • netvibes
  • scoopeo
  • twitter
  • yahoobookmarks
Autre langues disponibles : français
© Partit Occitan 2009 | Contact | Mentions légales | Plan du site