Suspresa e tristesa bèla a la descobèrta de l’estiu cultural concoctat per la municipalitat novèla de Carcassona : de dètz seradas occitanas en 2009, lo Festenal novèl passa a zèro.
La demostracion es faita malastrosament de la distorsion entre las paraulas e los actes pels representants del Partit Socialista : se pòt votar per l’amendament de la Constitucion a París, se pòt sosténer una mocion al Conselh general o en conselh municipal, se pòt integrar l’occitan dins los programas electorals, la realitat ven diferenta un còp en carga de las decisions.
En particulièr, dins lo domèni cultural liurat a la mondializacion e a l’uniformizacion de las ofèrtas que daissan pas plaça a l’expression dels pòbles e que prenon pas en compte lo trabalh remirable fait pels artistas del país d’Òc.
Lo Partit Occitan convida a protestar contra aquela mesura discriminatòria alprèp de la Comuna de Carcassona e a obrar de pertot per la presa en compte de la creacion occitana dins las programacions artisticas de las sasons que siaguen d’estiu o d’ivèrn.