Lo Partit Occitan condemna l’acte de guèrra de l’estat d’Israel
1er juin 2010Lo Partit Occitan condemna l’acte de guèrra contrari al drech internacional de l’armada israeliana contra la flotilha civila que portava de viures e potingas a las populacions de la lonja de Gazà.
La reaccion fòra proporcion de las fòrças especialas contre de civils, ambe de numerosas pèrdias umanas, fa pujar las riscas d’espandiment dels conflictes al Pròche Orient e remanda un còp de mai los ensajes de reglament politic.
La flaquesa internacionala fàcia als esfòrces de patz, l’abséncia d’una iniciativa europenca per eles, an favorisat lo creis d’ara. Las presas de pausicion conjoncturalas dels responsables del govern francés son sens gaire de rappòrt ambe la gravetat d’una situacion qu’èra de preveire.
Lo Partit Occitan sona de levar completament lo blocus de Gazà, de sanccionar l’armada israeliana e d’interdire per un temps los accòrdis de partenariat economics entre l’Union Europenca e Israel.
Sostenem totes los que, en Israel e en Palestina, òbran ambe lo camp de la patz per menar a cima una solucion politica per l’existéncia vertadièra d’un estat palestinian.
Guilhem Latrubesse, porte parole du Partit Occitan
Contact-presse : Guilhem Latrubesse
Tél. : 06 19 15 31 64
secretari.federal@partitoccitan.org
