Dijaus 23 de junh a 20h30 a Sant Flor
17 juin 2011Convidacion a un acamp de reflexion sus l’avenidor de l’occitanisme
Amiga
Amic
Se permetem de vos convidar a un acamp qui’s debanarà lo dijaus 23 de junh a 20h30 a la Sala no.4 Maison de las Associacions - Place René Amarger a Sant Flor.
Trobaratz ací un tèxte qui vòl servir de basa al nostre debat. Prepausam una reflexion sus l’accion e l’estructuracion de l’occitanisme, en ço nostre e de pertot en país occitan.
E siatz en acòrd amb la nostra analisi, interessats per far un bocin de camin dens la reflexion, critics amb l’accion passada, en desacòrd amb la nostra vision de la situacion, seratz benvenguts per charrar e escambiar las ideas.
Acampadas com aquesta seràn organizadas per las setmanas qui vienen pertot dens las regions occitanas per poder arribar abans la fin de l’annada a una acampada qui farà una sintèsi e qui prepausarà ua seguida concreta.
Mercés de l’atencion que portaratz a la nosta iniciativa ; en vos pregar de créder a las nostas salutacions occitanistas.
David Grosclaude, Conselhèr Regional Aquitani
Guilhem Latrubesse, Conselhèr Regional Miegjorn-Pirenèus
Gustave Alirol, Conselhèr Regional Auvernha
Anne-Marie Hautant et Hervé Guerrera, Conselhèr-a-s Regional-a-s Provença
- Letra a l’occitanisme (leng.)