Lo PARTIT OCCITAN convida a un acamp de soscadissa sus l’avenidor de l’occitanisme, lo dissabte 25 de febrier a 15h00 a la sala deu Pont de las Domaiselas - 7, av. Antoni de Sent Exupèri a Tolosa (Mairie annexe du Pont des Demoiselles, 3ème étage - 7 av St Exupéry (entrée parking Casino) - accès par escalier, ou par la rampe du parking extérieur).
Que cau occitanistas dens la decision politica !
Dens las amassadas de l’annada 2011, fuguet prepausat la mesa en plaça d’ua platafòrma sus la basa deu manifèste occitanista, tà dar mei de visibilitat e de preséncia a l’occitanisme dens l’esfèra publica e politica.
Que ’s poderàn associar militants politics, personas qui militan mei dens lo domeni culturau mes qui senteishen la necessitat d’aver ua accion publica e politica e tanben personas sensibilizadas a l’occitanisme mes qui an pas vougut s’engatjar mai peu moment.
Quauques frasas claus :
« La crisi economica, sociau, politica e ecologica que risca de servir de pretèxte entà har passar las questions pausadas per l’occitanisme com questions segondàrias. »
« Har politica d’un biais occitanista qu’ei aver ua vision deu noste territòri enlà de la realitat deu monde e de las responsas que podem temptar de i portar dab las nostas analisis. »
« Las solucions qui’s pòden imaginar en ua partida deu territòri occitan non son pas automaticament las medishas tà tota l’Occitània. Anar au federalisme dinc au cap de la soa logica. »
« Quin passar de l’indignacion (suu tractament per exemple reservat au noste territòri, a la soa lenga, a la soa identitat) a l’accion ? »
« La question de la lenga qu’ei au centre de las nostas preocupacions mes que cau parlar de la lenga e de hòrt d’autas causas. Que’s cau tanben adreçar a aqueths qui non coneishen pas la lenga mes qui son occitans tanben. «
« Que cau investir lòcs e domenis sociaus de on èm absents au dia de uei. »
« Dens lo domeni de la politica lingüistica que cau aver ua accion politica senon los qui prenen las decisions que demoran au nivèu de la simpatia declarada per la lenga mes non va pas au delà. »
« Quin parlar a la generacion navèra d’occitanistas qui an mensh de 30 ans ? Quina incoeréncia e seré per la generacion d’abans de non pas estar capabla de li parlar clarament e de definir dab era un projècte d’aviéner ? »