Modernizar lo trin. Per tots!
12 juillet 2012Lo Partit Occitan a totjorn considerat que la construccion de linhas LGV dedicadas a la força granda velocitat podiá pas èstre una responsa adaptada a la demanda de modernizacion dels transpòrts ferroviaris.
Dempuèi de meses plaidejam en favor de la modernizacion de las linhas actualas per lor permetre de suportar una circulacion mai densa de trins.
Avèm totjorn considerat que la creacion de linhas LGV tal coma lo govèrn Fillon-Sarkozy o aviá previst èra una error economica e ecologica.
La prioritat es per nosautres la mesa en plaça d’un malhum modernizat que permetrà la circulacion a granda velocitat de trins (220km/h) sus l’ensemble del territòri sens per aquò entrevar la circulacion dels TER e sens pesar de faiçon inadmissibla sus las fiananças de las collectivitats.
Jamai avèm considerat lo Partenariat Public Privat coma una solucion justa.
Jamai avèm considerat que la construccion d’un malhum LGV ipercentralizat podiá èstre un element positiu per nòstre territòri.
Coma o diguèron mai d’un membre del govèrn l’òra es a far de causidas e a donar la prioritat a la modernizacion del malhum qu’existís.
D’unes projèctes LGV devon èstre remplaçats per aquela politica de renovacion modernizacion. Es lo cas de tots los projèctes Bordèu-Pau-Endaia, de Bordèu-Tolosa, de Peitius-Lemòtges e tanben de Marselha-Niça.
