Tolosa : Conferència Gerard Tautil, 24/10/2012
21 octobre 2012Dimècres 24 d’octobre - 18h30
FESTIVAL OCCITÀNIA - CICLE PENSADA POLITICA EN OCCITÀNIA
CONFERÉNCIA de Gerard TAUTIL : "Robèrt Lafont e l’occitanisme politic"
Tolosa, Ostal d’Occitània, 11, car. Malcosinat.
Robèrt Lafont es presentat mai d’un còp coma lo personatge central de l’occitanisme de la segonda mitat del sègle XXen. Escrivan de lenga occitana, lingüista, professor de lenga e literatura occitanas a l’universitat Pau Valèri de Montpelhièr, istorian de la literatura occitana, poèta, dramaturgue e òme politic, R. Lafont tornèt metre un occitanisme politic al mièg d’una accion redusida tròp sovent a un simple culturalisme segon d’unes.
Gerard Tautil, qu’ensenhèt la filisofia e l’occitan provençal, prepausa aqueste ser de far una presentacion larga de Robèrt Lafont, ambe qual contribuèt notadament a la creacion d’associacions ciutadanas occitanas. Cofondator del Parti occitan en 1987 e de sa federacion en Provença, G.Tautil es l’autor de fòrça articles e obratges al sicut d’Occitània. Publiquèt recentament "Robèrt Lafont e l’occitanisme politic".