OGM, RoundUp … ara lo govern e la comission o sabon !
22 September 2012
En matièra d’OGM, coma del pesticida RoundUp e sos avatars, lo principi de precaucion est largament trespassat. Mesuras de santat publica s’impausan sul pic.
Es la conclusion de tirar de l’estudi del prodessor Séralini e de sa còla.
Que los cercaires caeneses ajan degut trabalhar dins lo secret lo mai grand, aquò mòstra plan cossí l’omerta es de règla dins lo domèni de las substáncias e dels aliments autorisats a la mesa sul mercat.
Lo govern e la comission europenca son al pé del mur. José Bové e los parlementaris europencs Verts-ALE "demandan d’un biais solemne al ministre de l’Agricultura, Stéphane le Foll, qu’intervenga al prèp del Comissari europenc cargat de la proreccion dels consumidors, de tal biais que suspenga las autorisacions de mesa en cultura balhadas a la varietat de milh MON 810 de Monsanto e a la patana Amflora de BASF, atal coma las autorisacions d’importar de mil e de sojà transgenic. " Paralelament, l’autorisacion de mesa sul mercat de RoundUp dèu tamben èsser suspenduda.
Lo diktat de las multinacionalas de l’agroquimia s’est impausat dempuèi tròp de temps a las autoritats sanitàrias e politicas.
La santat de las populacions dèu premar suls interès comercials dels fabricants d’OGM e de pesticidas.
