Archives par mot-clé : Comunicat

Educacion nacionala : lo Partit Occitan sosten lo movement dels trabalhaires socials

Comunicats, oc, , , , , , , ,

Conscient dels enjòcs ligats al benestar dels escolans e dels personals al dintre dels establiments escolars, lo Partit Occitan sosten lo movement dels Assistants de Servici Social (ASS) e Conselhièrs Tecnics de Servici Social (CTSS). 

Un apèl intersindical a la cauma generala dels trabalhaires socials de l’Educacion nacionala es estat lançat pel 4 d’abril, en amont d’un grop de trabalh al ministèri de l’Educacion nacionala (MEN) sus la remuneracion, lo 9 d’abril. 

Aquelas e aqueles, assegurant un servici public al sens nòble del tèrmi, acompanhan los escolans en dificultat (escolara o sociala) atal coma las familhas. Çò fasent, limitan los degalhs d’un sistèma educatiu de mai en mai portat a daissar de mai en mai de monde de caire… en començant per las e los eissits de mitans modèstas quitament precaris. 

Segon un comunicat del SNASEN-UNSA, lo dimècres 27 de març, Dòna Belloubet (ministra de l’Educacion nacionala), alara ausida a l’Assemblada nacionala per la comission dels afars culturals, « a rapelat que se garda lo temps de far d’anóncias pertocant los ASS e CTSS » ! Aquela abséncia de responsade la part de la ministra fa resson a l’actitud generala del ministèri envèrs aqueles personals : invisibilisacion e mesprètz ! 

Lo Partit Occitan apèla doncas lo MEN a tornar veire la còpia en aportant als ASS e CTSS una revalorisacion indiciària (una ASS comença per exemple amb un salari a penas superior al SMIC), una formacion continua de qualitat, de mejans proporcionals a las missions asseguradas atal coma de melhoracions en tèrmis de debanament e de perspectiva de carrièra. Aquelas femnas e aqueles òmes, contribuïssent a limitar l’impacte d’un liberalisme devastator, devon pas mai èsser considerats.adas coma de bestial menut !  

Partit Occitan, lo 2 d’abril de 2024

Navalny, Assange : la libertat d’expression es un ben preciós 

***Alertas***, Actu, Comunicats, En dirècte, oc, , , ,

La democracia dins lo monde es malauda. L’assassinat d’un opausant pòt pas èstre un metòde per governar. Empresonar aquel que denóncia de messorgas d’Estat se pòt pas justificar tanpauc. 

Nòstre monde coneis per aquestes jorns dos eveniments que mòstran la ncessitat d’aparar per totes los mejans possibles lo dret a la libertat d’expression de las opinions e de las idèas. 

Primièr i a l’assassinat dins de circonstàncias que son pas encara esclaridas d’Alexei Navalni. Aqueste opausant a Vladimir Pótin a pagat per sa vida son ponhastrèr a denonciar la dictatura del president rus. 

Un crimi inacceptable

Los metòdes emplegats pel poder rus daissan pas cap de dobte sus qual e perqué A. Navalni, prèmi Sacaròv europèu per la libertat de pensada en 2021, foguèt assassinat dins la preson ont l’avián embarrat per « extremisme », segon l’inquietanta terminologia juridica russa. 

Es pas acceptable e la mòrt d’ A.Navalni ven alongar la lista ja tròp longa dels crimis de V. Pótin e de son entorn contra los que pensan pas coma eles. L’assassinat es ara un biais de governar pels dirigents de la Russia.  

Cal per aquò considerar que la libertat d’expression es milhor protegida dins d’autres païses ? 

En fugida per aver dit la vertat

Podèm pas daissar de pensar a la situacion de Julian Assange e a la destinada que serà sieuna s’es mandat dins las jaulas americanas. Aqueste luta dempuèi d’annadas per tornar trobar sa libertat.

Es menaçat de passar sa vida en preson, donc es menaçat de i morir lentament, per aver desvelat l’existéncia de documents que pròvan que, al nivèl mai naut del poder als Estats-Units, mentiguèron, manipulèron la vertat per justificar una guèrra de las intervencions militaras murtrièras. 

La defensa de la libertat d’expression dèu èstre la meteissa dins totas las circonstàncias ; es per aquesta rason que lo Partit Occitan saluda la memòria d’A.Navalni e demanda la liberacion de Julian Assange e de totas las personas empresonadas uèi per lors idèas. 

Comunicat : lo dret de cauma es un dret fondamental

Comunicats, oc, , , , , ,

Dins una democracia lo dret de cauma es un dret fondamental. Vesèm espelir de mai en mai de proposicions de lei qu’an per objectiu de redusir aquel dret. Ausissèm de discorses que denóncian tala o tala categoria de salariats, que serián tròp sovent en cauma.

S’ausisson tanben de senténcia prononciadas per de responsables politics  que nos explican que  « trabalhar es un dever ». Fan coma se la cauma èra una faiçon d’escapar a sos devers, coma se los salariats non sabián pas ont es lor dever.

Voler restrénher lo dret de far la cauma d’un biais o d’un autre, es seguir sul camin que consistís a rosegar un pauc mai las libertats publicas e individualas dins nòstra societat.

Usatgièrs « preses en ostatge » ?

Es pas normal d’ausir de responsables politics explicar qu’en rason de la cauma a la SNCF los usatgièrs son «  preses en ostatges ». Son de mots que se pòdon pas utilizar d’aquel biais.

Segur los usatgièrs, que sèm totes, son destorbats per las caumas còps que i a, mes aquò a pas res a veire amb « una presa d’ostatges ». I a per lo monde de personas que son privadas de libertat e victimas de chantatge e de violéncias que son de vertadièrs ostatges. Cal pas banalizar lor situacion en desaviar lo sens dels mots. 

Las personas destorbadas dins lor vida vidanta (trabalh e vida familiala) per una cauma sabon que son tanben de tribalhaires. Sabon qu’an, d’unes còps, besonh de reivindicar, de dire lor desacòrd e lor malcontentament.

Tota lei que poiriá desembocar sus una reduccion del dret de far la cauma seriá una reduccion d’un dret fondamental a l’expression, dret qu’es de totas e de tots.

LO PRG, LEI REGIONALISTAS DE R&PS E VOLT FRANCE REFORTISSON LA COALICION PER EURÒPA E LEI TERRITÒRIS

Comunicats, Eleccions, oc, , , , , ,

Lo Partit Radicau de Senèstra (PRG), Regions & Pòbles Solidaris (R&PS) e Volt France fan avans cotria per faire lista comuna ais eleccions europencas dau 9 de junh de 2024.

Moviment paneuropenc representat dins totei leis Estats membres de l’Union  europenca per mai de 140 elegits ambe dos deputats europencs, Volt apara un anament participatiu volontarista e pragmatic per una Euròpa mai democratica, ecologica e solidària.

Per fin de bastir una Euròpa capabla de respondre ai desfis contemporanèus de nòstra societat e de faire fàcia a la montada dei populismes, lo PRG, R&PS e Volt France an l’ambicion comuna de metre nòstrei territòris au còr de la pensada sus lo ròtle de l’Union europenca dins lo quotidian dei Francés e Europencs que vivon en França.

Ensems, lo PRG, R&PS e Volt persegon lei discussions per recampar d’autrei compausantas.

La lista completa, representativa de la societat tota e de totei lei territòris serà representada a la debuta de març.

Lo Partit Occitan denóncia la represa de las òbras de l’autorota Tolosa-Castras

Actu, Comunicats, Midi-Pyrénées / Languedoc, oc, Premsa, , , , , , , , ,

Malgrat l’oposicion determinada de ciutadans e d’associacions, malgrat l’urgéncia climatica, las òbras de l’autorota A 69 enter Tolosa e Castras seguiràn. Es çò qu’an anonciat los poders publics. Es pas acceptable !

Tot aquò es renegar totas las declaracions, tots los engatjaments que prenguèt lo govèrn sus la question del cambiament climatic e sus la necessitat absoluda de cambiar lo nòstre biais de circular.

Serà sonque un degalhatge de l’espaci, un degalhatge de la moneda publica. Seràn degalhs mai que seràn creats per aquelas òbras que son un afront fait a las generacions venentas.

Lo Partit Occitan demanda qu’aquestas òbras autorotièras inutilas sián arrestadas. Regretam tanben que d’elegits de nòstra region se fagan los complicis d’aquela error ecologica e economica.

Fan la pròva d’una manca d’imaginacion dins lor politica d’amainatjament del territòri, que un còp de mai, crearà de nosénças per totes pel sol profièch de qualques uns.

Òc ! Gardarem la tèrra !

Comunicat : Regions e Pòbles Solidaris e lo Partit Occitan a las primièras Universitats de las Ruralitats Ecologistas (Dia, 6 al 8 d’octobre 2023)

Accions, Actu, Auvernha-RA, Comunicats, oc, , , , , , , , , , , , ,

Del 6 al 8 d’octobre se tendràn las primièras Universitats de las Ruralitats Ecologistas a Dia. Aquel eveniment annadièr permtrà als ecologistas de trabalhar las questions importantas pels nòstres territòris rurals.

Per aquela primièra edicion, EELV, EELV Rhône-Alpes, Génération.s, la FEVE e Regions e Pòbles Solidaris, vos donan rendètz-vos al còr de Droma per 3 jorns de jormacions de talhièrs, de debats, de plenièras, de moments de convivéncia e de rencontres a l’entrons de las ruralitats !

L’eveniment se debanant en Occitania, la federacion Regions e Pòbles Solidaris (R&PS) contribuïrà als escambis amb de representants del Partit Occitan (partit-sòci) animant mantun talhièrs.

Dàvid Grosclaude, secretari fédéral del Partit Occitan (PÒc) e co-pòrta-paraula del Partit Occitan de R&PS :  « Diversitat culturala e lingüistica, quin ligam amb la diversitat biologica ?« 

Pèire Còsta, director de R&PS : « La ruralitat a l’espròva de las metropòlis ».

Domenge Salgon, sòci de de la direccion del PÒc e del Conselh Federal de R&PS : « Camin ferrat e desvolopament durable dels territòris rurals ».

Amai, los eurodeputats R&PS François Alfonsi e Lydie Massard (grop Vers / ALE) respectivement president e pòrta-paraula de R&PS participaràn a las plenièras.


Totas las informacions relativas a l’eveniment son consultablas sul siti : https://ruralitesecologistes.fr/


Contacte: 

Pèire Còsta (‭‬06 25 45 27 05) 

contact@federation-rps.org

Siti Internet: www.federation-rps.org / https://partitoccitan.org

Comunicat : L’ecologia segon Macron : « banhòla » e electricitat nucleara 

Actu, Comunicats, oc, , , , , , , , , , ,

Lo president de la Republica anóncia de mesuras fòrça insufisentas per lutar contra lo cambiament climatic. Los pilars ne son la veitura electrica, lo nuclear e projèctes decidits a París  

L’anóncia de la planificacion ecologica pel president de la Republica foguèt un polit exercici de reciclatge d’anóncias e de promessas ja faitas. La causida lexicala foguèt tanben de tria. L’expression « ecologia a la francesa » es pas inocenta. Martelejar lo mot de « sobeiranetat » sus un tèma coma la luta contra lo cambiament climatic es pas neutre tanpauc. Los vents e las nívols, o sabèm, passan las frontièras sens autorizacion. La question èra puslèu de flatar un electorat matracat per las paraulas d’un partit que pensa que de s’embarrar es la solucion per tots los mals.

Dos pilars sostenon aquel plan : la veitura e lo nuclear. Podèm ajustar tanben que, fàcia a las incertutuds, i a una credença sens limits en « l’innovacion tecnologica » qu’auriá lo poder de o reglar tot. 

Anonciar la fin del carbon, que representa quasi pas res mai dins las emissions de CO2 en França, pòt far rire. Parlar de « sobeiranetat » e explicar que se farà l’inventari de las ressorças minièras (litium, cobalt…) del territòri francés, es de comunicacion. Tornar metre sus la taula l’idèa de RERs metropolitans ( un modèl parisenc que vòlen aplicar a totas las vilas ? ) mentre que l’anóncia data ja de qualques meses, mòstra qu’aquel plan es una compilacion de causas ja ditas. Non pas remetre en causas los amainatjaments rotièrs grands e las despensas faraonicas per las LGVs es una contradiction de las màgers. 

Parlar de la veitura electrica coma se foguèsse una solucion miraculosa es un miratge per nos embalausir. Es pas possible e o cal pas desirar tanpauc. Mas E.Macron o confessava dins son entrevista televisada : « sèm estacats a la banhòla, nos agrada la banhòla, e ieu l’adòri ». A lo dret de o pensar mas de daissar creire que tot serà coma abans sonque en cambiant lo petròli per l’electricitat es pas rasonable. Lo monde rural per exemple a besonh de solucions autras que la veitura. Cal far de causas nòvas dins aquel domeni, prepausar d’autras solucions. 

Lo pilar nuclear còsta ja fòrça car tal coma es. Lo finançament de reactors mai es pas una bona novèla, ni ecologica, ni economica. 

Un còp de mai lo poder central decidís dels objectius « qu’explicarà als territòris ». Parla de « budgets verds » de « libertats d’accion vertadièras » per las collectivitats territorialas mas seguís en parlant dels « objectius clar e partejats ». En vertat, las collectivitats faràn çò qu’a decidit l’Estat.

Serà benlèu una « ecologia nacionala » e una « ecologia territorializada » coma o ditz lo president de la Republica, mas sus un modèl centralizat. L’Estat central farà aplicar sas decisions e las farà pagar per de collectivitats que mancan ja d’autonomia politica e budgetària. Perqué parlar de libertat donada a las collectivitats quand, es causa coneguda, l’Estat quita pas de redusir lor autonomia financièra ?  

Perqué menaçar preventivament los marrits escolans1 ? Dire que lo ròtle de las comunas, departaments e regions serà capital e dins lo meteis temps explicar que las collectivitats seràn acompanhadas :« en engenheriá per que las bonas responsas sián portadas sul terrenh ». Es supausar que fàcia a la crisi ecologica las collectivitats coneisson pas lo territòri. Es afirmar que lo poder central es lo sol que pòsca far quicòm. Donc guidarà la man de las collectivitats per que siá aplicat son projècte. Aquel modèl de decision centralizada pròva que demòra fòrça a far per maridar luta contra lo cambiament climatic e democracia.

  1. Segon E. Macron una ecologia territorializada  es : « d’objectius nacionals partejats al nivèl dels territòris e declinats amb, al fons, d’objectius intangibles e una libertat donada suls mejans e lo camin a aténher ; d’indicators e de responsabilitats clarament establits per poder diferenciar los que son engatjats e an de resultats e los que decidisson de pas jogar lo jòc »  (Extrèit de l’intervencion a l’Elysée lo 25 de setembre) ↩︎

Lo Partit Occitan s’opausa al projècte de reforma del sistèma de las retiradas

Comunicats, , ,
Aucune légende
Aucune légende
Aucune légende
Aucune légende

Lo Partit Occitan s’opausa al projècte de reforma del sistèma de las retiradas presentat lo 23 de genièr e sosten lo movement de mobilizacion, dont l’intersindicala, que demanda son retirament.

Es evident ara qu’aquel projècte, bandat de non-diches e de trapèlas e que relèva del bricolatge, es prigondament injust.

Sens caractèr d’urgéncia, es a una remesa a planièr complèta del sistèma de las retiradas que se cal atelar en comptant sus l’intelligéncia collectiva. L’esquèma productiviste qu’es a la basa del sistèma actual es despassat de cap al desreglament climatic e als imperatius de sobrietat que nos obligan.

« Sans planeta, pas de retirada ! »

Vaquí l’eslogan qu’esclaira lo camin a seguir.

Pénibilité, carrièras capoladas, tempses parcials, pichonas remuneracions, inegalitats òme/femnas, devon èsser compensats pels riquissims que son l’anomalia del sègle, per las carrièras confortablas e plan remuneradas de las e los que pòdon trabalhar sens limits d’edat, per la qualitat e lo redesplegament d’emplecs dont mancam crudèlament.

La propaganda governamentala, de còps sens far cas de las leis en matèria de mèdias, fach fi de la mobilizacion massisa dels ciutadans, entre un a dos milions de manifestants, lo 19 de genièr darrièr.

E coma explicar, dins lo meteis temps, lo projècte de doblament del budgèt de l’armada (vòte previst a la prima egalament), çò qu’afectariá fòrça mai las finanças publicas?

Lo subjècte de las retiradas deuriá èsser al còr d’un novèl pacte social e societal, un sistèma clar, transparent, comprensible, adaptat a caduna e cadun, ont la cooperacion remplaçariá la competicion, vaquí çò que nos esperam en plaça d’aquel bidouillage vergonhós.

Mancam pas aquela escasença de pensar e d’esclairar nòstres endemans. Prenèm lo temps perque avèm léser.

Lo Partit Occitan convida a participar massissament a las mobilizacions venentas, en particular a la manifestacion del 31 de genièr, pel retirament d’aquel tèxt.

Retirada-2023-01-31-1Télécharger
Image en tête

Le partit Occitan s’oppose au projet de réforme du système des retraites

Comunicats, , ,
Aucune légende
Aucune légende
Aucune légende
Aucune légende

Le partit Occitan s’oppose au projet de réforme du système des retraites qui va être présenté lundi 23 janvier. Le POC soutient le mouvement de mobilisation, notamment intersyndical, qui demande son retrait. 

Nous soutenons Nos élus de Régions et Peuples Solidaires ainsi que l’ensemble du groupe parlementaire Libertés, indépendants, outre-mer et territoires (LIOT) qui s’opposeront au projet de loi lors des débats au sein de l’Assemblée Nationale !

Il est évident maintenant que ce projet, bourré de non-dits et de pièges et qui relève du bricolage, est profondément injuste.  Sans caractère d’urgence, c’est à une remise à plat complète du système des retraites qu’il faut s’atteler en comptant sur l’intelligence collective. 

Le schéma  productiviste qui est à la base du système actuel  est dépassé face au dérèglement climatique et aux impératifs de sobriété qui nous obligent.

« Sans planète, pas de retraite ! »

Voilà le slogan qui  éclaire le chemin à suivre .

Pénibilité, carrières hachées, temps partiels, petites rémunérations, inégalités homme/femmes, doivent être compensés par les richissimes qui sont l’anomalie du siècle, par les carrières confortables et bien rémunérées de celles et ceux qui peuvent travailler sans limites d’âge,  par la qualité et le redéploiement d’emplois dont nous manquons cruellement.

La propagande gouvernementale, parfois au mépris des lois en matière de médias, fait fi de la mobilisation massive des citoyens, qui a deux reprises ont démontré leur mobilisation.

Comment expliquer, dans le même temps, le projet de doublement du budget de l’armée ? (vote prévu au printemps également) Qui affecterait beaucoup plus les finances publiques.

Le sujet des retraites devrait être au coeur d’un nouveau pacte social et sociétal, un système clair, transparent, compréhensible, adapté à chacune et chacun, où la coopération remplacerait la compétition, voilà ce que nous attendons au lieu de ce bidouillage honteux.

Ne ratons pas cette occasion de penser et d’éclairer nos lendemains. Prenons le temps car nous avons le temps.

Retirada-2023-01-31Télécharger

R&PS N’ACCEPTE PAS LE PROJET ACTUEL DE RÉFORME DES RETRAITES

Régions et Peuples Solidaires dit son opposition au projet de fixer à 64 ans, et à fortiori à 65 ans, l’âge légal de la retraite. Le projet que porte le gouvernement est injuste.

Sur un tel sujet, la prise en compte des propositions émanant des organisations syndicales et de l’ensemble des organisations politiques est une nécessité absolue, sur le plan démocratique et social. 

Lire le communiqué sur le site de Régions et Peuples Solidaires (RPS).

Antilhas : sosten a las organizacions que reclaman justícia dins l’afar del clordecone

Actu, Comunicats, , ,

Diluns 2 de genièr de 2023, se desliurèt una ordenança de non-luòc dins l’enquista sus l’empoisonament per aquel pesticida utilizat pels camps de bananas a las Antilhas fins a 1993. Reconeissença d’un “escandale sanitari”, mas pas de perseguidas judiciàrias.

L’expausat dels motius pòrta d’en primièr sus l’ignorància pels poders publics de la dangerositat del produit a l’epòca. 

Mas, s’esperèt 1993 per interdire aquel pesticida cancerogène alara que sa toxicitat e sa persisténcia son coneguts dempuèi 1969, d’aprèp lo rapòrt de la  comission d’enquista senatoriala de novembre de 2019. E d’autres païses n’avián interdit l’usatge plan abans, coma los Estats-Units en 1976. 

Mai de 90% de la populacion de Martinica e de Guadalopa es pertocada, totjorn expausada, e per de sègles, a las contaminacions contengudas dins los sòls, la mar e la cadena alimentària.

Seriá normal de s’acontentar del as compensacions pels cases individuals ? Amb lo gra dels problèmas e de las dificultats per tocar las reparacions que coneisson per exemple las victimas de l’amiant dins plan de regions, o las dels ensags nuclears en Polinesia francesa.

Coma aquò se passa dins unes departaments d’Oltra-mar, l’Estat compta sul silenci en metropòli per amagar l’afar alara que la situacion pòt èsser l’escasença per un plan de reabilitacion, tant sanitària coma ecologica e economica. 

Lo Partit Occitan (PÒC) sosten las organizacions ultramarinas que demandan justícia e engatjan unes recorses dins aquel sens.